Augas oligotróficas cun contido de minerais moi baixo das chairas areosas (código 3110)

Encharcamentos de augas pouco profundas e que poden secar no verán, situadas nomeadamente en zonas chans e con escasos nutrientes, ás veces nas ribeiras de lagoas. A vexetación dominante ten carácter anfibio e está composta por pequenas herbáceas que florecen a principios do verán; no Carreirón ocupa moi escasa superficie, con especies típicas como Hypericum elodes, Potamogeton polygonifolius ou Baldellia ranunculoides.